真心推介！
我地一行4人早前8月預訂左影閨密合照，因應疫情studio無條件幫我地改期，仲即刻搵返9月有咩空檔可以留俾我地，回覆迅速！
拍攝當日先去揀衫，每人可以試2件上身再決定，協助試身嘅員工好親切，服務好貼心，裙款有啲鬆身都即刻改到稱身，大讚！
跟住就到化妝，2位化妝師輪流為我地上妝，好有驚喜，等緊對方化妝可以落街買野食醫下肚。完成哂化妝大家一致認同比自己pre-wedding 影相仲靚?
髮型都set得好好！多款頭飾睇到眼花撩亂❤️
之後去左studio影相，攝影師好風趣，教哂我地擺pose，化妝師中途會幫下手補妝，真係好殷勤。
全個過程好流暢，試身化妝攝影都令人樂在其中，為我地留下好好嘅回憶，期待睇靚相！