婚紗攝影 | 香港外景

本身男朋友同我都唔係一個特別鍾意影相嘅人，而且佢超級怕熱，所以pre-wedding 就想直接搵喺studio影 ，問過不同公司報價，好多都要另外加錢，終於俾我哋搵到Fei wedding ，一個價錢包晒我地要嘅野而且價錢十分合理。 第一次去到經亞joe細心嘅講解而且一啲都唔hard sell，我地就即時confirm左喇。 揀衫影相各方面都非常順利，攝影師Sam會教我哋點擺pose，助手Ryan仲有用手機幫我哋影拍攝花絮都好靚，我仲引唔住將張相加埋入相簿添🤣。而且試衫影相同時間唔會安排同其他人一齊，十分貼心。成個過程都十分順利舒服，仲好有彈性咁可以比我哋揀唔要細相簿轉其他嘢，最想講係成個過程Fei wedding都主動keep住跟進仲好快回覆👍🏻 多謝Fei wedding 細心專業嘅服務❤️

所謂人算不如天算，我哋本身預訂左今年年頭去台北影婚紗相，但因為疫情關係未能如期出發，最後就決定喺香港先影一輯婚紗相，台灣嗰程就改為候補。經過我地上網搵資料同埋比對左幾間婚紗公司嘅內容，出品同埋收費，最後決定join Fei wedding ge package，收到相嗰刻就證明我哋冇做錯呢個決定。 喺攝影之前要搵一日去寫字樓同Joe傾成個攝影嘅過程例如要揀邊啲場地，想用一個乜嘢嘅形式去影呢輯婚紗相，例如係輕鬆或者係好調皮嘅或者係可愛嘅，基本上你諗到嘅任何野佢都可以幫你達成，所有嘢都可以好彈性咁去處理令到我哋有好多嘅選擇，可以揀到自己啱心水為止。 嗰日影相嘅過程都非常之順利，由朝頭早化妝師Pat幫我地化妝set頭，到着上婚紗開始影相，攝影師Sam都非常之專業教我哋由好生硬嘅表情去到影相影得好自如，同埋助手Ryan都非常幫得手好快手咁樣set場同埋又會喺隔離搞吓氣氛，教我哋點樣擺pose先會好睇，令到成個過程都好愉快，令到我哋走嘅時候都有啲唔捨得。 如果之後我哋有咩影相活動，呢間公司都會係我哋嘅top priority。好期待之後收到成品嘅嗰一刻，相信呢次嘅攝影過程都會係我哋好好嘅回憶，之後睇返本相簿都會記得當日發生嘅一點一滴。 感謝Fei wedding幾位

pre-wedding對我們準新人是第一個挑戰，通常我地男仔對影相就無乜要求；但對於未婚妻就是另一態度；很擔心拍攝效果不似預期。看著她很多時間做research，又週圍問身邊結了婚的朋友是用哪一間；最後選擇了Fei wedding。我最怕複雜暗藏收費。但Joe真的很詳細講解package 內容；這方面令我們更加放心。 前期安排係阿Joe的悉心講解及安排下顯得非常順利。因為我本身好怕熱；就算冬天穿著整套禮服；一定會出哂汗；所以擇左拍室內Pre-wedding。去到前期安排；多謝阿Joe的悉心講解；由於Fei wedding有很多不同款式的室內場境，每個場景都有各自特點；有些係玩燈光效果；有d係行外國風格；有d係溫馨的感覺；多到擇唔哂，要諗放棄那一個真的很困難。多謝joe耐性講解和協助；終於選擇我們想要室內場景。 阿Joe也幫我地排好拍攝次序，讓我們拍攝很順利。更加令我意想不到的是選擇拍攝禮服； 服裝的EVA也提供很多好靚的服裝，拍攝當人的服裝俾原先擇選了的Big Day 禮服還要有更好的Cutting，實在令人驚喜。 拍攝當日非常順理，攝影師阿Sam同化粧師阿PAT非常好人。滿足哂我們的要求。我們同普通人一樣面對鏡頭動作超生硬，又唔識擺Post。但Sam好細心咁指導我們姿勢及執細節位。本來我們怕唔知點影及擺Post。最後都輕鬆完成拍攝，拍攝出黎及調色後的效果也很令我們滿意。 擇相又可以係屋企慢慢選擇，然後再同阿JOE傾。阿JOE都俾左好多有用的意見。而且每個細節位都修得很好 好多謝Fei Wedding團隊，給我們美好的拍攝經驗，讓我們輕鬆完成結婚呢個big project 既第一挑戰

之前在婚展遇到很多hard sell的攝影公司，真的很怕。當我們正在掙扎用哪間攝影公司之際，無意中在新婚生活易網站見到一篇文章介紹Fei Wedding的Secret Place studio。我們很快便下了決定用Fei Wedding，原因不僅是有不同主題場景選擇，最重要是零負評。 顧問Joe很耐心介紹每個場景和服務細節，沒有hard sell之餘也是明碼實價，給我們留下很好的第一印象。禮服款式也多樣化，選禮服當日多謝Eva的細心和高效率。我們一向不慣面對鏡頭，但在攝影師Sam的指導下，也能縱容擺出各種姿勢，效果意想不到。特別表揚的是化妝師Pat，她既細心又專業。她會先了解客人喜好，也會作不同嘗試，務求達到最佳效果，最重要是化得我很美！在拍攝其間也不停跟進我的粧容，一絲不苟。 由於我們拍照的時間是炎夏，所以選擇了室內場景拍攝，既有冷氣又有音樂，而且在室內可採用自然光拍攝實屬難得。加上Fei Wedding的專業團隊服務，令我們輕鬆愉快完成拍攝。謝謝Fei Wedding!

萬分感激Fei Wedding幫我同老公影咗輯超水準嘅pre-wedding。從我們影相當天到我們攞唒所有Product只需兩個月左右。如果時間上好似我哋咁趕，又對quality有要求的，Fei Wedding一定係非常啱你嘅選擇！ 首先要多謝Joe從頭對我們的講解同耐性，還有超強meet deadline嘅能力。影相當日有神級攝影師Sam同助手Ryan對我們的提點同指引，還有化妝Suyi比個靚樣我。 拍攝當日我哋先在studio影相, 再坐車又搭船去咗兩個外景，再回studio影多一個backdrop，絕對係辛苦到爆，但團隊真係太專業，一啲怨言都無。 Big day睇過我哋D相嘅親戚朋友都讚口不絕。一定要比力去recommend比大家👍🏻👍🏻👍🏻

Hello Fei wedding, 好興幸能夠簡到你地影pre-wedding, 以下係我對你地感想同意見^v^’’ 其實我地係婚展會其實已經比較過其他婚紗攝影公司,當時已經心儀fei wedding, 覺得你地會比到我想要既既要求, 做到盡善盡美.加上我地都做過research睇過每間公司既評價,fei wedding係質素比較穩定, 而且影出來的都比較自然美, 非常適合我的要求. 最吸引我令我印象深刻就係你們的室內studio,是香港罕見提供自然光線的室內影樓,能拍出韓國影樓婚攝的唯美效果,加上每個場景都有不同的特式,有優雅的,有活潑的,有可愛的,有型格的,有童話feel的.令到我同未婚夫可從各不同風格場景之中展現出不同的自己,不會單調乏味. 之後上去fitting, 婚紗同晚裝真的很美,款式又多,真係意想不到.職員細心協助我簡心水婚紗同晚裝,非常有耐心. Pre weddding前,Fei Wedding一直同我地跟進及溝通當日拍攝流程.盡力希望當日能夠順利完美地拍攝,我都覺得好細心. 攝影師sam同make-up artist都好友善. 拍攝期間都會suggest我地點樣拍攝效果會比較好, 一日既行程雖然好熱好累但佢兩位都好專業地完成一日既拍攝! 最後簡相既時候,真心覺得自己冇簡錯fei wedding,因為好多相自己都好滿意 影出來很有美感,覺得唔洗執相都已經很美,而且唔會好似其他攝影公司咁借D意收多附加費用,真係明碼實價 Office個位同事仲好nice,好有耐性講解我地知點排板,點樣擺相好;仲一齊幫眼睇簡邊張好D,唔會嫌我煩.依家好期待收到相! 謝謝你們! ^O^’’

開始籌備婚禮時，想搵一間一條龍服務既室內pre wedding，以免要走黎走去太操勞 ，上網偶然見到Fei Wedding係Facebook嘅廣告，click入去睇完覺得啲室內場景都好靚，效果都好好，所以就約上服裝部傾。 上到係太子嘅office，佢好詳細咁解釋整個服務過程, 係ipad畀我地睇到好多之前其他新人嘅相，見到效果都好靚，又係iPad 揀埋室內影樓嘅場景。 每個場景其實都好靚，佢又好細心咁講解每個場景適合影嘅氣氛同姿勢等等，畀我地有更好嘅了解同大概諗到適唔適合自己，最後揀咗八個我地覺得適合自己嘅場景。 之後係Eva同我地揀衫，首先我同未來老婆各自係兩部iPad揀自己想要嘅衫，係iPad 入面我地可以互相見到對方揀左嘅衫，慳返好多時間。Eva 又畀到好多意見畀未來老婆，點樣先唔會壓到肚仔。之後就係試衫(當見到未來老婆著住套拖地裙，佢話我剩係識傻笑)，試左幾套之後，決定好老婆要着嘅婚紗同晚裝後，就到我試(自我感覺良好覺得自己着左好型)，完成曬試衫，揀埋啲配飾，咁就整左三個鐘。 到正式影相當日, 上到影樓先係由化妝師Pat幫老婆換衫，set頭，化妝，完成之後Pat幫我簡單做少少遮瑕，攝影師Sam同助手Ryan 幫我揀返幅無鏡片眼鏡。 開始拍攝，攝影師Sam細心咁教我地擺post，又會提醒我地啲細微位例如一邊膊頭落返少少，面再轉向鏡頭多啲，等等。化妝師Pat又會keep住係拍攝期間幫老婆撥返啲頭髮絲同補妝，助手Ryan好落力幫我地換場景，放好婚紗嘅拖尾，幫攝影師Sam影特別效果等等。 攝影過程中佢地都好關心我地攰唔攰，特別係老婆大住嗰肚仔，會成日問需唔需要休息一陣先，真係好貼心。 好感謝Fei wedding 畀到一個咁舒服同貼心嘅服務同環境我地好開心咁完成成個拍攝時間！

一生人第一次影PRE-WEDDING, 乜都唔識, 拎左好多朋友PRE-WEDDING相參考, 都唔係好岩心水, 最後O係廣告下認識左FEI WEDDING, 就係我想要既效果喇! O係網上同CS了解PACKAGE, CS超級NICE, 問多唔會唔耐煩, 解答我既問題都好詳細, 好快我地就落訂喇 好快就可以去揀衫同埋同JOE傾埋攝影既細節 不得不說, 傾細節都真係十分詳細, 由化妝, 飾物, 場景, 道具, 燈光, 佈置, 色TONE, 咩感覺效果咩場景想影多影少等等等, 樣樣都會問到你清清楚楚, 幫你JOT DOWN 晒NOTES, 細心到不得了, 真係要大讚! 試衫既時候, 我地都真係有D 選擇困難症, 但2位禮服部小姐都唔會趕你叫你快D 決定, 見你1516時, 仲拎多幾套比你試添, 仲話"反正都試開就試埋啦, 唔試唔知中唔中意架MA". 真係好窩心呀! 去到拍攝日子, 化妝師PAT一早就SET好架餐等我地喇. PAT化妝真係化得好細心又快手, 面色慢慢同你TUNE, TUNE 到極自然. 換場景時仲幫你簡單轉一轉髮型, 等你免費多一個LOOK 助手RYAN SET 場準備道具都好快手, 仲幫我地影左幾張SNAPSHOT添 我地都唔識擺POSE, 攝影師SAM 真係每個POSE都教我地, 又會提我地唔好寒背要縮肚等等, 過程完全冇尷尬! 我早前仲SEND 左好多張參考相比佢地參考, 當中有我最中意既摸摸頭, 佢地真係每一張參考都會同你影, 睇番D 相都真係好滿意呀! 之後同JOE 傾執相同揀相框, 又係同你拎張紙JOT晒NOTES 問你想點執相, 真係好鬼細心 其實我仲影左另一間PRE-WEDDING, 不過FEI WEDDING真心好好好專業, 有問有答又唔會拖你時間, 你既要求都會記得!! 多謝FEI WEDDING團隊每一位! — 與 Jacky Lam 。

無錯就呢間啦！搵左十幾間pre-wedding，最終決定選擇Fei weddinng。 我相信各位準新人都經歷過呢個環節，揾唔同既鋪頭，睇各式各樣既資料，行大大小小既婚展，揀唔啱就從頭黎過。我地都唔例外，對pre wedding一啲概念都冇嘅我地，完全唔知可以從邊度入手。仲記得第一次去Fei wedding嗰時傻下傻下，連自己想要啲咩都唔知，但經過呀Joe專業既介紹同細心解答，我地都開始好期待今次影pre wedding！ Fei wedding嘅package已經包左好多項目，因為咁所以令我同未婚夫好滿意同放心，係揀pre wedding婚紗禮服嗰日仲估唔到有咁多款式既衫可以揀，我同未婚夫可以試足咁多件都好驚喜。 我地好貪心，因為想係室內同室外都影，仲希望有埋便服相可以影，當初都好擔心會唔會太趕，結果Fei wedding嘅團隊係on day嗰日幫我地安排好曬，天衣無縫咁完成全日嘅流程！ 係呢度要多謝Joe將前期準備安排得妥妥當當。影相當日我同未婚夫啲pose一開始勁緊張又無影開相，所以啲姿勢既生硬，但Sam好有耐性咁指導我地隻手點擺呀，要企邊等等，令我地好慢慢進入到狀態，之後照外景Sam既技術無得頂呀！ 亦都好多謝助手Ryan果日全程無停過咁幫我地打點一切，set場聯絡，亦都好關心客人，因為果日外影時天氣好熱，見佢走黎走去出曬汗真係辛苦曬呀！！而化妝師Zoe幫我化左個好靚既妝，佢好識得就住我既面形同膚色去選擇化咩妝，化完我未婚夫不斷讚不絕口！！ 最後最後如果比我揀多次，我都係會揀返Fei wedding。

今日係一隻好難忘嘅一日說，講咗好耐嘅票一定終於實行又幾正咁開始倒影都係兩個禮拜嘅事對上班族來講已經係好快，一俾咗訂金之後即刻約時間傾場景我哋都滿心期待，果然去到傾後非常滿意， 我之前冇做過任何資料收集唔知道有咁多場景去到先知道原來有好多個，果然心大心細花多眼亂經過阿Joe嘅講解之後先決定揀咗五個場景如果唔係得五個我可能會揀晒，佢亦都好耐心咁同我哋講計唔同場景嘅特性而且都俾咗好多好多相我哋睇，當然我知道冇嘢可以十全十美但我已經覺得佢嘅講解已經係非常之完美而且我哋都滿意 當中亦都問過我哋對呢一輯相嘅要求係點而且解釋都非常之好，講緊然之後去試衫，eva都幫咗我哋非常之多唔同嘅建議我令到我哋知道究竟邊一件衫先係適合我哋 都影相嗰日成個攝影團隊都非常之細心所有嘢都跟得非常貼，由10點開始影到五點幾完全唔覺得來耐，大家有講有笑，非常之多謝成個菲攝影嘅團隊