婚紗攝影 | 日本韓國

Hello Fei wedding, 好興幸能夠簡到你地影pre-wedding, 以下係我對你地感想同意見^v^’’ 其實我地係婚展會其實已經比較過其他婚紗攝影公司,當時已經心儀fei wedding, 覺得你地會比到我想要既既要求, 做到盡善盡美.加上我地都做過research睇過每間公司既評價,fei wedding係質素比較穩定, 而且影出來的都比較自然美, 非常適合我的要求. 最吸引我令我印象深刻就係你們的室內studio,是香港罕見提供自然光線的室內影樓,能拍出韓國影樓婚攝的唯美效果,加上每個場景都有不同的特式,有優雅的,有活潑的,有可愛的,有型格的,有童話feel的.令到我同未婚夫可從各不同風格場景之中展現出不同的自己,不會單調乏味. 之後上去fitting, 婚紗同晚裝真的很美,款式又多,真係意想不到.職員細心協助我簡心水婚紗同晚裝,非常有耐心. Pre weddding前,Fei Wedding一直同我地跟進及溝通當日拍攝流程.盡力希望當日能夠順利完美地拍攝,我都覺得好細心. 攝影師sam同make-up artist都好友善. 拍攝期間都會suggest我地點樣拍攝效果會比較好, 一日既行程雖然好熱好累但佢兩位都好專業地完成一日既拍攝! 最後簡相既時候,真心覺得自己冇簡錯fei wedding,因為好多相自己都好滿意 影出來很有美感,覺得唔洗執相都已經很美,而且唔會好似其他攝影公司咁借D意收多附加費用,真係明碼實價 Office個位同事仲好nice,好有耐性講解我地知點排板,點樣擺相好;仲一齊幫眼睇簡邊張好D,唔會嫌我煩.依家好期待收到相! 謝謝你們! ^O^’’

萬分感激Fei Wedding幫我同老公影咗輯超水準嘅pre-wedding。從我們影相當天到我們攞唒所有Product只需兩個月左右。如果時間上好似我哋咁趕，又對quality有要求的，Fei Wedding一定係非常啱你嘅選擇！ 首先要多謝Joe從頭對我們的講解同耐性，還有超強meet deadline嘅能力。影相當日有神級攝影師Sam同助手Ryan對我們的提點同指引，還有化妝Suyi比個靚樣我。 拍攝當日我哋先在studio影相, 再坐車又搭船去咗兩個外景，再回studio影多一個backdrop，絕對係辛苦到爆，但團隊真係太專業，一啲怨言都無。 Big day睇過我哋D相嘅親戚朋友都讚口不絕。一定要比力去recommend比大家👍🏻👍🏻👍🏻

一個滿分的體驗 從網上搜尋關於Pre Wedding的資料，過濾了很多，最後選擇了Fei Wedding， 認識了Joe。 踏入店舖的一刻，先來個親切的笑容，接著是細心專業的講解，然後為疫情下嘅限制來個彈性處理，給了不少意見。 最後敗給了Joe。 好吧， 那就交給你了！ 拍攝當日，化妝師純熟地化妝set頭，幫忙穿上婚紗。開始了，以為攝影師都有著藝術家性格？我錯了，氣氛從容不迫，會不斷給予指導。角度、姿勢...等等。 拍攝完畢，即時回顧相片，很美。另有個友善的助手，幫我們用電話拍了幾張，有潛質呢！ 執相服務連我們也留意不到的細節都幫我們處理好了，很滿意！ 售後服務好，後期製作也快。滿分！

一生人第一次影PRE-WEDDING, 乜都唔識, 拎左好多朋友PRE-WEDDING相參考, 都唔係好岩心水, 最後O係廣告下認識左FEI WEDDING, 就係我想要既效果喇! O係網上同CS了解PACKAGE, CS超級NICE, 問多唔會唔耐煩, 解答我既問題都好詳細, 好快我地就落訂喇 好快就可以去揀衫同埋同JOE傾埋攝影既細節 不得不說, 傾細節都真係十分詳細, 由化妝, 飾物, 場景, 道具, 燈光, 佈置, 色TONE, 咩感覺效果咩場景想影多影少等等等, 樣樣都會問到你清清楚楚, 幫你JOT DOWN 晒NOTES, 細心到不得了, 真係要大讚! 試衫既時候, 我地都真係有D 選擇困難症, 但2位禮服部小姐都唔會趕你叫你快D 決定, 見你1516時, 仲拎多幾套比你試添, 仲話"反正都試開就試埋啦, 唔試唔知中唔中意架MA". 真係好窩心呀! 去到拍攝日子, 化妝師PAT一早就SET好架餐等我地喇. PAT化妝真係化得好細心又快手, 面色慢慢同你TUNE, TUNE 到極自然. 換場景時仲幫你簡單轉一轉髮型, 等你免費多一個LOOK 助手RYAN SET 場準備道具都好快手, 仲幫我地影左幾張SNAPSHOT添 我地都唔識擺POSE, 攝影師SAM 真係每個POSE都教我地, 又會提我地唔好寒背要縮肚等等, 過程完全冇尷尬! 我早前仲SEND 左好多張參考相比佢地參考, 當中有我最中意既摸摸頭, 佢地真係每一張參考都會同你影, 睇番D 相都真係好滿意呀! 之後同JOE 傾執相同揀相框, 又係同你拎張紙JOT晒NOTES 問你想點執相, 真係好鬼細心 其實我仲影左另一間PRE-WEDDING, 不過FEI WEDDING真心好好好專業, 有問有答又唔會拖你時間, 你既要求都會記得!! 多謝FEI WEDDING團隊每一位! — 與 Jacky Lam 。

Search左好耐PW公司，直到見到Fei Wedding既Studio就好鍾意。約上office傾既時候Joe全程冇hard sell仲好有耐性比意見，大約10個場景，道具同setting可以隨我地意見黎擺放，唔會每輯相都一模一樣，我地即場就confirm左! 影前1個月上去試衫同埋傾點影，婚紗晚裝雖然冇婚紗店咁靚，但都有唔同款選擇，男禮仲幾靚添! 我地事前準備左好多idea佢地都幫手mark低，最近仲新加入波希米亞風場景，IG都未有相睇，但係完全係我想影既風格! 影當日MUA Pat好細心幫手著裙，化妝set頭手勢超好，全程都跟足。當日影相有少少Overrun，但係攝影師Sam都好專業幫我地影到尾。2星期後就已經有全輯調左色既相睇，仲可以係屋企online揀相添~ 成個過程都好滿意，我仲book埋佢地big day package! 期待big day再見😊

Fei Wedding有好多場景可以揀, 花多眼亂, 幸好有阿Joe嘅講解, 講解得非常之詳細, Joe極度好耐心咁同我哋講下唔同場景嘅特點而且仲俾咗超多相我哋參考, 果D相都係真實客人影, 令人好有信心, 最後決定揀咗五個場景 試衫之前JOE亦會再confirm 我地想要用咩風格去影, 解釋都非常之好, 之後就可以去試衫, eva好Nice, 都會俾建議我哋,究竟揀邊一件衫先係適合我哋。而衫方面有比較多選擇, 款式唔會過時。 到影相嗰日成個攝影團隊都好細心, D嘢都跟得好足, 開始拍攝時, 攝影師會教我地擺post，又會提醒我地啲細微位例如一邊面部望落返少少, 面向鏡頭等等。化妝師又會keep住係拍攝期間幫手撥返啲頭髮， 攝影師助手好落力幫我地換場景，放好婚紗裙擺，幫攝影師影特別效果等, 真係好細心。由11點開始影到五點, 完全唔覺得耐。 今次prewedding 成個過程好舒服，唔會hard sell , 唔會話去到一半先講要另加錢先有成品，收費透明，攝影團隊專業，影到曬我地話左想要嘅效果。日後如果有朋友要pre wedding, 我會推薦俾身邊好友, Fei Wedding 嘅一站式服務真係值得推薦畀唔多空餘時間，唔想四圍走嘅準新人黎選擇。 感謝fei wedding 團隊

因為疫情的關係，未能如計劃到海外影pre-wedding。於是便決定先在香港拍一次pre-wedding。 我先在網上做了很多research，最後看到"Fei wedding" 的相片，覺得很適合我們。用Whatsapp 問了收費等問題，Fei Wedding的職員都細心一一回答，不怕有暗藏的收費。到見面那天，Joe很詳細講解package 內容，又介紹不同的場景風格，給了不少意見。 到拍攝當天，由於Joe已幫我們排好拍攝次序，令拍攝順利。而負責服裝的Eva也提供很多靚飾物讓我配襯服裝。攝影師Sam同化妝師Pat非常好人。Sam好細心，不斷指導我們姿勢及又教點擺Post，我係一個對住境頭會生硬嘅人，要靠Sam不斷提醒我要笑。助手Ryan都好勞碌，不斷幫手set場及負責後期相片處理。最後拍攝出來的效果令我們很滿意。選相、執相方面，Joe又給了好多有用意見。而且相簿、油畫框都有好多款揀。 再一次多謝Fei Wedding團隊，令我們輕鬆完成pre-wedding。

本身男朋友同我都唔係一個特別鍾意影相嘅人，而且佢超級怕熱，所以pre-wedding 就想直接搵喺studio影 ，問過不同公司報價，好多都要另外加錢，終於俾我哋搵到Fei wedding ，一個價錢包晒我地要嘅野而且價錢十分合理。 第一次去到經亞joe細心嘅講解而且一啲都唔hard sell，我地就即時confirm左喇。 揀衫影相各方面都非常順利，攝影師Sam會教我哋點擺pose，助手Ryan仲有用手機幫我哋影拍攝花絮都好靚，我仲引唔住將張相加埋入相簿添🤣。而且試衫影相同時間唔會安排同其他人一齊，十分貼心。成個過程都十分順利舒服，仲好有彈性咁可以比我哋揀唔要細相簿轉其他嘢，最想講係成個過程Fei wedding都主動keep住跟進仲好快回覆👍🏻 多謝Fei wedding 細心專業嘅服務❤️

一開始諗影pre-wedding就打算影studio, 因為我同男朋友都唔想受天氣影響，上山下海咁好辛苦。係上網對比好多唔同studio的景同package下，覺得Fei wedding性價比好高！成個package所有相都會比返我地，仲有晒調色！佢地d景好多元化，同時又有自然光同燈光，有多d唔同的感覺。真係去見面傾時，呀Joe好專業，比左好多同一個場景但唔同影法/style我地睇，好多變化，唔會話人人都一模一樣咁！之後因為疫情我地都改左幾次期，但Fei Wedding都完全冇收任何改期費！佢地係一日只影一pair studio, 變相我地改期佢地都接唔到下一個客，但佢地都好flexible冇收費下比我地改左幾次，真係好感恩遇到良心vendor. 影相當日攝影師呀Sam好專業，教我地要點擺pose，我男友係大近視，當日佢冇戴con只係除眼鏡，好多時都睇唔清呀Sam的動作，呀Sam有行到好近咁親自示範，真係好有heart! 化妝師Soey好有耐性，我請佢將幾款假眼睫毛試上眼睇效果，又貼又除咁佢都冇任何怨言，唔會話是是但但化完個妝咁！助手Ryan都好落力，幫我鋪裙又幫攝影師Set燈，後期執相都係靠佢先有瘦手臂的我? 真係好多謝Fei Wedding令我地有個愉快的pre-wedding experience ?

一生人只希望影一次pre-wedding，一開始時實在很擔心拍攝效果不似預期。始終是一期一會。我和fiance花了很多時間做research，最後選擇了Fei wedding。我同fiance除了對拍攝要求高，也很怕複雜收費等的麻煩。也比較著重攝影安排及後其他售後服務。 前期安排係阿Joe的悉心講解及安排下顯得非常順利。因為時間關係，需要在夏天影Pre-wedding。一直很怕拍攝受天氣影響，香港夏天又有颱風，又非常熱。哂一哂，很易無哂心機拍攝。好在Fei wedding有很多不同款式的室內場境，多到擇唔哂，要諗放棄那一個。萬一天氣唔理想都可以選擇延期或影全日室內場境。室內拍攝可控性強，效果又有一定保證，仲可以玩唔同的燈光效果。 好好人的阿Joe幫我地排好拍攝次序，讓我們拍攝很順利。 服裝的EVA也提供很多好靚的服裝，拍攝當人的服裝俾原先擇選了的Big Day 禮服還要有更好的Cutting，實在令人驚喜。未婚夫滿意到要租多一套BIG DAY 用。 拍攝當日非常順理，攝影師阿Sam同化粧師阿PAT非常好人。滿足哂我們的要求。拍攝前，我和未婚夫也很怕動作生硬，唔識擺Post。好在攝影師好細心咁指導我們姿勢及執細節位。本來我們怕唔知點影及擺Post而預先做定的工課，最後完全用唔著。最後，拍攝出黎及調色後的效果也很令我們滿意。 擇相又可以係屋企慢慢選擇，然後再同阿JOE傾。阿JOE都俾左好多有用的意見。 好多謝Fei Wedding團隊，給我們美好的拍攝經驗，讓我們輕鬆完成人生的一個階段。